D‘Kallef vum Joer 2026

RICHTUNG22 (LU)

Op Lëtzebuergesch

Dauer 1 St. 20 Min geschat

2026: e Joer fir ze vergiessen, e Joer fir ze laachen. Ass dat net déi beschte Grondlag fir e satiresche Joresréckbléck? De Konschtkollektiv Richtung22 zitt e Bilan vun enger Zäit, déi eis alt nees emol uerg zougesat huet. Och zu Lëtzebuerg gëtt opgerüst, ofgelenkt, vill geschwat a wéineg gesot. Wéi eng Personnagen hu sech dobäi besonnesch profiléiert? Ass de Premierminister nach ëmmer de Kapitän vum Schëff oder just nach de Chef vun enger Gare an der Provënz? A wéi steet et ëm eis Arméi, eis Heemecht, eise Mindestloun? Ass déi gutt al Zäit zeréck? Froen, Froen, Froen – fir hire Gala-Owend tëscht Nostalgie a Kritik huet sech Richtung22 zesummegedoe mat der Redaktioun vum Hannerland, engem satiresche Ressort, dee reegelméisseg am Lëtzebuerger Land ze liesen ass. Um Enn vun der Soirée läit et um Public, fir de leschten zwielef Méint per Vote e besonnescht Gesiicht ze ginn.

Kulturpass acceptéiert